Аудандық ауруханада психоактивті заттарды қолдану және мас күйінде болу фактілерін анықтау үшін мамандандырылған медициналық тексеру пункті ашылды. Бұл маңызды шара жүргізушілердің де, жаяу жүргіншілердің де қауіпсіздігін қамтамасыз етуге бағытталған. Бүгін пункт жұмысымен жеке танысу үшін бізге Қостанай ауданының әкімі Таңжарықов Берік Қуанышұлы мен Қостанай аудандық ішкі істер бөлімінің бастығы Тапаев Талғат Жоламанұлы келді. Кабинеттің жабдықталуы туралы бас дәрігеріміз Әлімжан Мырзағазыұлы Мирманов пен қабылдау бөлімінің дәрігері Хуртина Наталья Алексеевна сөз сөйледі.
Енді осы жаңашылдықтың арқасында түрлі жол-көлік оқиғаларынан кейін жүргізушілер белгіленген ережелер мен процедураларды сақтай отырып, біздің аудандық ауруханаға медициналық тексеруден өтуге жіберілетін болады. Процестің қолжетімділігі мен тиімділігін қамтамасыз ету үшін медициналық тексеру пункті тәулік бойы жұмыс істейтін болады.
Біздің мақсатымыз - жолдарымызды барлық жол қозғалысына қатысушылар үшін қауіпсіз ету! ️Есіңізде болсын, әрқайсымыздың өмірі мен денсаулығына қамқорлық жасау – қоғамымыздың болашағына қамқорлық!